Sjóðurinn hefur heimild til að fjárfesta í íslenskum skuldabréfum og víxlum útgefnum af ríkissjóði, sveitarfélögum, opinberum stofnunum, fjármálafyrirtækjum og fyrirtækjum.
Að auki hefur sjóðurinn heimild til að fjárfesta í íslenskum innlánum fjármálafyrirtækja og öðrum peningamarkaðsgerningum.

Fjárfestingarheimildir sjóðsins takmarkast við sundurliðun fjárfestinga samkvæmt neðangreindri töflu með tilgreindum vikmörkum (lágmark og hámark) og ákvæði laga um rekstraraðila sérhæfðra sjóða nr. 45/2020.

	Lágmark	Hámark
Peningamarkaðsgerningar og innlán fjármálafyrirtækja	0%	50%
Sértryggð skuldabréf	0%	50%
Skuldabréf og víxlar með ábyrgð ríkissjóðs Íslands	25%	100%
Önnur skráð skuldabréf	0%	50%
Önnur skuldabréf fjármálafyrirtækja	0%	30%
Skuldabréf sveitarfélaga og opinberra stofnana og fyrirtækja	0%	30%
Skuldabréf og víxlar fyrirtækja	0%	20%

Sjóðnum er óheimilt að beita vogun og er ekki heimilt að fjárfesta í afleiðum, hvorki í því skyni að lágmarka áhættu né sem lið í fjárfestingarstefnu.
Nánari upplýsingar um fjárfestingaheimildir er að finna í reglum og útboðslýsingu sjóðsins.